काठमाडौं । अमेरिकी पत्रकार पिटर डेला पेनाले आफूलाई एक नेपाली क्रिकेट समर्थकले व्यक्तिगत सन्देश लेखेको र त्यसमा कमेन्ट्री गर्दा नेपालको विपक्षमा बोलेको बताएको खुलाएका छन् ।

पेनाले ट्विटरमा आफ्नो भनाइ राखेलगत्तै त्यसमा अमेरिका राष्ट्रिय क्रिकेट टोलीका एक सदस्य अली खानले प्रतिक्रिया दिए ।

‘नेपालका समर्थक सबैभन्दा खराब,’ उनले यस्तो लेखे ।

अलीको यो आरोपको नेपाली राष्ट्रिय क्रिकेट टोलीका कप्तान सन्दीप लामिछानेले तत्कालै खण्डन गर्दै कडा जवाफ दिएका छन् ।

नेपाली समर्थकविनाको क्रिकेट विश्वनक्शा अधुरो रहने बताउँदै यसरी सामान्यायीकृत नगर्न अलीलाई सन्दीपले चेतावनी दिएका छन् ।

‘मेरा एक क्रिकेट सहकर्मीबाट यस्तो सामान्यीकृत र घृणित टिप्पणीको आशा कहिल्यै गरेको थिइनँ । नेपालका जनता क्रिकेट श्वास फेर्छन् । क्रिकेट उनीहरूको रगतमै छ । र, तिनीहरू क्रिकेट विश्व नक्शाको एक महत्वपूर्ण भाग हुन् । खेलकुदले मानिसहरूलाई एकताबद्ध गर्नुपर्छ, विभाजित होइन,’ उनले ट्विटरमा जवाफ दिएका छन् ।

गत महिनामात्र अमेरिकी टोली नेपाल भ्रमणमा आएको बेला अलीले मैदानमा उपस्थित नेपाली समर्थकलाई उत्तेजित बनाउन विभिन्न हर्कत गरेका थिए ।

अली आफैँ ‘सक्कली अमेरिकन’ होइनन् । पाकिस्तानी नागरिक रहेका उनले क्रिकेट खेल्नकै लागि सन् २०१६ मा अमेरिकी राहधानी ग्रहण गरेका थिए । नेपाली समर्थकहरू अहिले यसैलाई ‘इस्यू’ बनाएर विभिन्न प्रतिक्रिया दिइरहेका छन् ।

नेपाल स्कटल्याण्डसँग भारी अन्तरले पराजित, कठिन बन्दै विश्वकप छनोट