काठमाडौं । रोल्पामा एक प्रहरी हवल्दार राजनीतिक दलका नेता–कार्यकर्ताद्वारा कुटिएका छन् ।

रोल्पा नगरपालिका ६ मा घर भएका प्रहरी हवल्दार रामकुमार बाँठामगर विदामा घर फर्कदै गर्दा बाटोमा कुटिएका हुन् ।

सोही नगरपालिकाको जिबाङस्थित अनेरी खोलामा स्थानीय राजनीतिक दलको नेतृत्वमा आएको टोलीले मगरमाथि कुटपिट गरेको थियो । माेटरसाइकलमा सवार हवल्दार जिसीलाई उनीहरूले पछ्याएका थिए । अनि, अनेरी खोलाको एकान्तमा पुगेपछि कुटेका हुन् ।

गत स्थानीय निर्वाचनमा माओवादी केन्द्रबाट वडाध्यक्षका उम्मेदवार रहेका खेम डिसी नेतृत्वको टोलीले उनीमाथि आक्रमण गरेको बताइएको छ ।

आफूमाथि भएको कुटपिटबारे उजुरी दिन खोज्दा प्रहरीले उजुरी लिन नमानेको हवल्दार बाँठामगरले बताए ।

‘आफ्नै संगठनका सदस्यमाथि निर्घात कुटपिट हुँदा पनि प्रहरी प्रशासन भने मौन बनेको छ,’ उनले भने ।