देउवा र ओलीको वार्ता विनानिष्कर्ष टुंगियो

परराष्ट्रमन्त्री खनाल शनिबारदेखि तीनदिने औपचारिक भ्रमणमा भारत जाँदै

देउवा र ओलीको वार्ता विनानिष्कर्ष टुंगियो

नेपालवाच २०७८ फागुन १० गते २१:०६

काठमाडौं । प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीचको वार्ता विनानिष्कर्ष टुंगिएको छ ।

दुवै नेताले आ–आफ्नै अडान नछोडेपछि वार्ता विनानिष्कर्ष टुंगिएको एमालेका एक नेताले बताए ।

एमसिसी संसद्बाट पारित गर्ने विषयमा सत्ता गठबन्धनमा सहमति नजुटिरहेको बेला प्रधानमन्त्री देउवा र एमाले अध्यक्ष ओलीबीच वार्ता भएको हो ।

भेटवार्तामा देउवाले ओलीलाई एमसिसी पारित गर्न सघाउन अनुरोध गरेका थिए । जवाफमा ओलीले एमालेलाई संसदीय प्रक्रियामा भाग लिने वातावरण बनाएपछि मात्र एमसिसी लगायतका विषयमा छलफल हुने बताएका थिए ।