काठमाडौं । प्रधानमन्त्री शेरबहादुर देउवाका भतिजी–ज्वाइँ दीपेन्द्र कुँवर ‘ख’ सशस्त्र प्रहरी वरिष्ठ उपरीक्षक (एसएसपी) मा बढुवाका लागि सिफारिस भएका छन् ।

कुँवर प्रधानमन्त्री देउवाका स्वकीय सचिव भानु देउवाका बहिनी–ज्वाइँ हुन् । भानु भने देउवाका भाइका छोरा अर्थात भतिजा हुन् ।

ज्वाइँ कुँवरलाइ दुई नम्बर ज्येष्ठतामा क्रममा राखेर आइतबार गृह मन्त्रालयले बढुवा गरेको हो ।

नेपाल प्रहरीमा एक साताअघि भएको बढुवामा पनि डिएसपीमा आफ्नो भर्ना ब्याचमध्ये २५ औँ स्थानमा रहेका प्रधानमन्त्री देउवाका अंगरक्षक (पिएसओ) कोमल शाह पहिलो नम्बरमा रहेर एसपी बढुवाका लागि सिफारिस भएका थिए ।

प्रधानमन्त्री देउवाकै शक्तिका कारण शाहले २४ स्थान माथि उक्लिएर पहिलो स्थान कब्जा गरेको बताइएको छ ।