अभिनेता हमाललाई सद्गुरुको निम्तो

दर्शकले रुचाउन थाले नेपाली चलचित्र

नेपालवाच २०७९ साउन ११ गते १९:३३

काठमाडौं । भारतीय योग तथा आध्यात्मिक गुरु सद्गुरुले अभिनेता राजेश हमाललाई निम्तो दिएका छन् ।

गुरुको निम्तोमा अभिनेता हमाल भदौ ९ गते भारतको तमिलनाडुस्थित कोइमबतुर प्रस्थान गर्ने उनीनिकट स्रोतले जनाएको छ ।

नेपालका सर्वाधिक सफल अभिनेता हमालले भारतका आध्यात्मिक सेलेब्रिटीसमेत रहेका सद्गुरुसँग टक शो गर्ने बताइएको छ ।

उक्त शोको छायांकन भदौ ११ मा हुनेछ । जहाँ अभिनेता हमाल र सद्गुरुबीच नेपाल र भारतबीचको मित्रता, कला–संस्कृति र अध्यात्मलगायत विषयमा कुराकानी हुने बताइएको छ ।