काठमाडौं । संसदमा टेबल भएको एमसिसीमा छलफल अघि माओवादी केन्द्रका अध्यक्ष पुष्पकमल दाहाल प्रचण्डले श्रृंखलावद्ध छलफल गरेका छन् ।

प्रचण्डले नेकपा एकीकृत समाजवादका अध्यक्ष माधव नेपाल र झलनाथ खनाल, जसपाका अध्यक्ष उपेन्द्र यादवसँग भेटेपछि प्रधानमन्त्रीलाई बालुवाटार पुगेर भेटेका हुन् ।

भेटमा आजदेखि संसदमा छलफल हुने एमसिसीबारे छलफल भए पनि दुवै पक्षले के भयो भन्नेबारे बाहिर केही पनि ल्याएका छैनन् ।

प्रधानमन्त्रीले एमसिसी पास गर्नमा सत्तारुढ दलमा सहमति नजुटे एमालेको सहयोग लिएर भए पनि पास गर्ने नीति लिएपछि प्रचण्डले दौडधुप थालेका हुन् ।

संसद बैठक आजै १ बजे बस्दैछ । एमसिसीमा छलफल हुने भएपछि बानेश्वरस्थित संसद भवनको सुरक्षा व्यवस्था कडा बनाइएको छ ।