काठमाडौं । फुटबलमा भविश्य नदेखेपछि विदेशिएका नेपाली फुटबलर जगजित श्रेष्ठले सामाजिक सञ्जालमा भावुक स्टाटस राखेका छन् ।

नियमित खेल नहुँदा खेलाडी बेरोजगार हुनु परेको र विदेशिन बाध्य भएको उनले बताएका छन् ।

‘एउटा केटो लिग खेल्छ । देशकै शीर्ष खेलाडीको स्तरमा पुग्छ । लिग सकिन्छ , केटो घर फर्किन्छ , घरमा परिवार, प्रेमिका, साथीभाइसँग भुलिन्छ । महिना दिन जती रमाइलो गरेपछि खेल कहिले होला भन्दै कुर्छ । यो कुराई ८–९ महिनासम्म चल्छ,’ उनले फेसबुकमा लेखेका छन्, ‘त्यो बीचमा केटोको खेल स्तर झरेर बारीको कान्ला पुगिसक्छ । यसरी ६–७ वर्ष बित्छ । केटोलाई अब परिवारले पैसा र प्रेमिकाले विवाहको दबाब दिन्छ । केटो केही नबोली विदेश लाग्छ । ए, बी र सी डिभिजन गरेर हामी करिब ६०० खेलाडीको कथा यही हो ।’

कुनैबेला नेपालका ठूला क्लबका साथै राष्ट्रिय टोलीका समेत भरपर्दा फरवार्ड रहेका जगजित अहिले फुटबल छोडेर अष्ट्रेलिया पलायन भएका छन् । उनीसँगै अहिले धेरै खेलाडी फलायन भएका छन् । यो क्रम चलिरहेको छ ।

यी युवा खेलाडी जो फुटबलमा भविश्य नदेखेपछि विदेशिए

नेपाल बाहिरियो, भारत फाइनलमा