युक्रेनी सेनाले हतियार बिसाए वार्ता गर्न तयार छौं : रुस

एसियाली छनोटः समूह विजेता बन्ने लक्ष्यसहित आज मलेसियाविरुद्ध भिड्दै नेपाल

युक्रेनी सेनाले हतियार बिसाए वार्ता गर्न तयार छौं : रुस

नेपालवाच २०७८ फागुन १४ गते ७:५२

काठमाडौं । रुसी विदेशमन्त्री सर्गेई लाभरोभले आफूहरू युक्रेनसँग वार्ता गर्न तयार रहेको बताएका छन् । तर त्यसका लागि युक्रेनी सेनाले आत्मसमर्पण गर्नुपर्ने उनको सर्त छ ।

राजधानीमा रुसी आक्रमणकारी सेनाहरू अघि बढ्दै गर्दा उनको यस्तो प्रतिक्रिया बाहिर आएको हो ।

‘युक्रेनको सशस्त्र सेनाले हाम्रो आह्वानलाई सुनेर हतियार बिसाउँने बित्तिकै हामी जुनसुकै बेला वार्ताका लागि तयार छौं,’ लाभरोभले मस्कोमा आयोजित पत्रकार सम्मेलनमा भने ।

रुसले बिहीबार युक्रेनविरुद्ध युद्ध घोषणा गरेको थियो । त्यसयता उसले युक्रेनविरुद्ध आक्रमण जारी राखेको छ ।