सप्तरीमा माइक्रो बस दुर्घटना : एक जनाको मृत्यु, १३ घाइते

म्याक्स टाइगरको क्यान खोल्दा चम्कियो भाग्य, तिन जनाले जिते बाइक र स्कुटर !

सप्तरीमा माइक्रो बस दुर्घटना : एक जनाको मृत्यु, १३ घाइते

नेपालवाच २०७९ भदौ ६ गते १९:५०

काठमाडौं । सप्तरीमा माइक्रो बस दुर्घटना भएको छ । गुडिरहेको माइक्रो बस टायर पड्किएर सोमबार दुर्घटना भएको हो ।

दुर्घटनामा परी एक जनाको मृत्यु भएको तथा १३ जना घाइते भएको प्रहरीले जनाएको छ ।

पूर्व–पश्चिम राजमार्गअन्तर्गत अग्निसाइर कृष्णासवरण गाउँपालिका–६ मा पश्चिमबाट पूर्वतर्फ जाँदै गरेको बा ५ ख २३१० नम्बरको माइक्रो बसको पछाडिको टायर पड्किएपछि अनियन्त्रित भएर पल्टिएको प्रत्यक्षदर्शीले बताएका छन् ।

दुर्घटनामा मृत्यु हुनेमा कन्काई नगरपालिका ८ बस्ने ५२ वर्षीया अमृता ओली रहेको सप्तरी प्रहरीका प्रवक्ता एवं डिएसपी माधवप्रसाद काफ्लेले जानकारी दिए ।