काठमाडौं । सरकारले माली मिसनमा खटिन सशस्त्र प्रहरी बललाई स्वीकृति प्रदान गरेको छ ।

सोमबार बसेको मन्त्रिपरिषद् बैठकले सशस्त्रको फम्र्ड पुलिस युनिट (एफपियू) मालीमा खटाउन स्वीकृति दिएको हो ।

यसअघि संयुक्त राष्ट्र संघले सशस्त्रलाई मालीमा खटाउने निर्णय गरी त्यसबारे पत्राचार गरेको थियो ।

योसँगै अब सशस्त्र प्रहरी माली मिसनमा खटिने भएको छ । यसका लागि सशस्त्रले १४० जना खटाउन तयारी अघि बढाएको छ । त्यहाँ खटिने टोलीको छनोटसँगै तालिम तथा बन्दोबस्तीका सामान खरिदका लागि सशस्त्रले तयारी अघि बढाएको हो ।

सशस्त्रको कार्यक्षेत्र किदाल तोकिएको छ । यो मालीको जोखिमपूर्ण क्षेत्र मानिन्छ ।