काठमाडौं । युक्रेनले आगामी २४ घण्टा आफ्ना लागि निकै महत्त्वपूर्ण रहेको बताएको छ ।

युक्रेनका राष्ट्रपति भोलोदिमिर जेलेन्स्कीले बेलायती प्रधानमन्त्री बोरिस जोन्सोनलाई टेलिफोन गर्दै यस्तो बताएका हुन् ।

रुसले देशभर आक्रमण जारी राखेकाले आगामी २४ घण्टा आफ्ना लागि निकै महत्त्वपूर्ण हुने जेलेन्स्कीको भनाइ छ ।

बेलायती सरकारका प्रवक्तालाई उद्धृत गर्दै बिबिसीले जनाएअनुसार, जोन्सनले रुसविरुद्धको युद्धमा जेलेन्स्कीले निर्वाह गरेको नेतृत्वदायी भूमिकाको प्रशंसा गरेका थिए ।

जोन्सनले बेलायत र यसका सहयोगीहरूबाट युक्रेनमा पुग्ने रक्षात्मक सहायता सुनिश्चित गर्न बेलायतले सक्दो प्रयास गर्ने बताए।

बिबिसीका अनुसार, दुई नेताले निरन्तर सम्पर्कमा रहने प्रतिबद्धता पनि जायर गरेका छन् ।