काठमाडौं । नेपालको आधिकारिक फ्रेन्चाइज क्रिकेट प्रतियोगिता नेपाल टि–ट्वान्टी लिगमा सहभागिता जनाउने ६ टोलीले मार्की ६ वटै खेलाडी अनुबन्ध गरेको छ ।

नेपाल क्रिकेट संघ (क्यान)ले ६ टोलीका मार्की खेलाडी सार्वजनिक गरेको हो ।

पहिलो संस्करणको प्रतियोगितामा काठमाडौं कान्तिपुर, लुम्बिनी अल स्टार्स, विराटनगर सुपर किङ्स, जनकपुर रोयल्स, पोखरा एभेन्जर्स र फारवेस्ट युनाइटेडले सहभागिता जनाउँदैछन् ।

काठमाडौं कान्तिपुरले मार्की खेलाडीमा ज्ञानेन्द्र मल्ल, लुम्बिनीले दीपेन्द्रसिंह ऐरी र विराटनगरले रोहित पौडेललाई अनुबन्ध गरेको छ ।

यस्तै जनकपुरले सोमपाल कामी, पोखराले आसिफ शेख र फारवेस्टले करण केसीलाई मार्की खेलाडी चयन गरेको छ ।

नेपाल टि–ट्वान्टी असोज ८ देखि कात्तिक ५ गतेसम्म आयोजना हुनेछ ।