कसले कतिपटक जितेको छ एसिया कप ?
काठमाडौं । १५ औँ संस्करणको एसिया कप क्रिकेटको उपाधि श्रीलंकाले जितेको छ । युएईमा गएराति भएको फाइनलमा पाकिस्तानलाई २३ रनले हराउँदै टि–२० एसिया कपको उपाधि श्रीलंकाले जितेको हो ।
एसिया कप सन् १९८४ मा सुरु भएको हो । २०१४ सम्म एकदिवसीय प्रतियोगिता हुने गरेको थियो । तर, २०१६ देखि टि–२० पनि हुने गरेको छ । २०१६ मा टि–२० भए पनि फेरि २०१८ मा भने एकदिवसीय एसिया कप भएको थियो ।
यससँगै श्रीलंकाले पहिलोपटक टि–२० संस्करणको एसिया कप जितेको हो । यसअघि श्रीलंकाले १९८६, १९९७, २००४, २००८ र २०१४ मा एकदिवसीय एसिया कपको उपाधि जितेको हो । समग्रमा श्रीलंकाले ६ पटक एसिया कपको उपाधि जित्न सफल भएको छ ।
यस्तै, भारत एसिया कपको सर्वाधिक ७ पटकको विजेता हो । भारतले १९८४, १९८८, १९९०–९१, १९९५, २०१०, २०१६ र २०१८ मा एसिया कप जितेको छ । यसमध्ये २०१६ मा जितेको टि–२० हो ।
यसैगरी, पाकिस्तानले २००० र २०१२ गरी दुईपटक एसिया कपको उपाधि जितेको छ । यी दुवै संस्करण एकदिवसीय हुन् । पाकिस्तानले हालसम्म टि–२० संस्करणको एसिया कप जितेको छैन ।
बंगलादेश भने तीनपटक फाइनलमा पुगे पनि उपाधि जितेको छैन ।
त्यस्तै, अफगानिस्तान दुईपटक सुपर चारमा पुगेको छ भने युएई र हङकङ समूह चरणभन्दा अगाडि बढ्न सकेका छैनन् ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया