काठमाडौं । सरकारले केराउ, सुपारी र कालो मरीचको आयात खुला गरेको छ । २१ भदौमा प्रकाशित राजपत्रको सूचना सोमबार सार्वजनिक गर्दै आयात खुला भएको जानकारी गराएको हो ।

सूचना अनुसार उत्पादनमूलक उद्योगलाई औद्योगिक प्रयोजनका लागि आवश्यक पर्ने कच्चा पदार्थ सुपारी, केराउ र मरीचको पैठारीलाई व्यवस्थित गर्ने सम्बन्धी कार्यविधि २०७८ को प्रक्रिया पूरा गरी यी वस्तु आयात गर्न सकिने भएको छ ।

उद्योग, वाणिज्य तथा आपूर्ति मन्त्रालयका अनुसार एचएसकोड ०७१३.१०.०० (केराउ), एचएसकोड ०८०२.८०.०० र एचएसकोड ०९०४.११.३० ९कालो मरीच० को पैठारी गर्न अनुमति दिने निर्णय सरकारले गरेको हो ।

सरकारले २४ चैत २०७६ मा राजपत्रमा सूचना प्रकाशित गरी ती वस्तुको आयात रोकेको थियो ।