काठमाडौं । घरेलु टोली नेपाललाई हराउँदै बंगलादेशले पहिलोपटक महिला साफ च्याम्पियनसिप फुटबलको उपाधि हात पारेको छ ।

काठमाडौंको दशरथ रंगशालामा भर्खरै सम्पन्न फाइनल खेलमा नेपाललाई ३ १ गोल अन्तरले हराउँदै बंगलादेशले पहिलो उपाधि जितेको हो ।

बंगलादेश यसअघि फाइनलमा एकपटक पराजित भएको थियो । बंगलादेशले सन् २०१६ मा भारतसँग उपाधि गुमाएको थियो ।

यससँगै नेपालले पाँचौपटक फाइनल गुमाएको हो । यसअघि नेपाल चारपटक भारतसँग फाइनलमा पराजित भएको थियो ।

सन् २०१०, २०१२, २०१४, २०१९ मा नेपाल उपाधिको नजिक पुगेर भारतसँग पराजित भएको हो ।

यसपटक भारतलाई सेमिफाइनलमा पराजित गरेको नेपालले उपाधि घरमै राख्ने आम अपेक्षा थियो । तर, बंगलादेशले पूरा गर्न दिएन । यससँगै नेपाल पहिलो उपाधि जित्ने सुनौलो मौकाबाट बञ्चित भएको छ ।

छैटौँ संस्करण महिला साफ च्याम्पियनसिप सकिँदा भारतले सर्वाधिक पाँचपटक जितेको छ ।

महिला साफ च्याम्पियनसिपको उपाधि बंगलादेशलाई, नेपाल उपविजेतामा सीमित