खोसियो पुटिनको ब्ल्याक बेल्ट

साफ च्याम्पियनसिपमा इतिहास बदल्ने नेपालको लक्ष्य

नेपालवाच २०७८ फागुन १७ गते १६:४९

काठमाडौं । तेक्वान्दोको सर्वोच्च संस्था विश्व तेक्वान्दोले रुसी राष्ट्रपति भ्यादमिर पुटिनको ब्ल्याक बेल्ट उपाधि खोसेको छ । रुसले छिमेकी देश युक्रेनमाथि आक्रमण गरेको भन्दै यस्तो निर्णय गरिएको विश्व तेक्वान्दोले जनाएको छ ।

विश्व तेक्वान्दोले नै यसअघि पुटिनलाई सम्मानस्वरूप ब्ल्याक बेल्टको उपाधि दिएको थियो ।

यसअघि, विश्व फुटबलको सर्वोच्च निकाय विश्व फुटबल महासंघ (फिफा) र युरोपियन फुटबलको सर्वोच्च निकाय युरोपेली फुटबल संघ (युइएफएले रुसको राष्ट्रिय फुटबल टोली र क्लबहरूमाथि प्रतिबन्ध लगाएको थियो ।