एमसिसी पास भएपछिको पहिलो बैठकमा पनि एमालेको अवरोध

जनकपुरका राजगुठीअन्तर्गतका पोखरी अतिक्रमण हटाउने दोस्रो चरणको प्रक्रिया शुरु, ७ दिने सार्वजनिक सूचना जारी

एमसिसी पास भएपछिको पहिलो बैठकमा पनि एमालेको अवरोध

नेपालवाच २०७८ फागुन १८ गते १३:२१

काठमाडौं । संसदबाट एमसिसी अनुमोदन भएपछिको पहिलो बैठकमा पनि एमालेले अवरोध गरेको छ ।

यस अघि जस्तै एमालेले आज पनि संसद् बैठक अवरोध गरेको छ । एमालेले सभामुखलाई हटाउनुपर्ने, नेकपा एकीकृत समाजवादीका १४ सांसदलाई कारवाही गर्नुपर्ने माग राख्दै संसद् अवरोध गर्दै आएका छ ।

सभामुखले राजीनामा नदिएसम्म विरोध र अवरोधमा लाग्ने एमाले अध्यक्ष केपी ओलीले मंगलबार पत्रकार सम्मेलनका क्रममा बताएका थिए ।

एमालेको अवरोधबीचको कानुन मन्त्री दिलेन्द्रप्रसाद बडुले राष्ट्रिय सूचना आयोगको वार्षिक प्रतिवेदन प्रस्तुत गरेका छन् । अर्को बैठक २२ फागुनका लागि तोकिएको छ ।