काठमाडौं । नेपाली राष्ट्रिय फुटबल टोलीका कार्यवाहक प्रशिक्षक प्रदीप हुमागाईँले आफ्नो पहिले खेलमा नै सहज जित दिलाएपछि खुसी व्यक्त गरेका छन् ।

आफू नेतृत्वको नेपालले बंगलादेशलाई ३–१ गोल अन्तरले हराएको केही क्षणपछि सामाजिक सञ्जालमार्फत उनले जितको खुसी मनाएका हुन् ।

प्रशिक्षक हुमागाईँले जितको श्रेय खेलाडीहरूलाई दिँदै समर्थकलाई जित समर्पण गरेका छन् ।

उनले नेपाली दर्शकलाई दशैंको शुभकामना पनि दिएका छन् ।

‘खेलाडीलाई सलाम छ । नेपाली फुटबल समर्थकलाई दशैंको शुभकामना । यो जित तपाईँहरूका लागि हो,’ उनले फेसबुकमा लेखेका छन् ।

तत्कालीन मुख्य प्रशिक्षक अब्दुल्लाह अलमुताइरीले राजीनामा दिएपछि करिब दुई महिनाअघि हुमागाईँलाई कार्यवाहक प्रशिक्षक नियुक्त गरिएको थियो ।

बंगलादेशविरुद्ध नेपालको सहज जित