काठमाडौं । असोज २१ गतेदेखि प्रदर्शनमा आउन लागेको चलचित्र ‘दुई नम्बरी’को ट्रेलर सार्वजनिक भएको छ। चलचित्रलाई दिपेन्द्र लामाले निर्देशन गरेका हुन् भने दिपक मनाङ्गे, अमला देवी राई र जयश श्रेष्ठले निर्माण गरेका हुन् । चलचित्रको मुख्य भूमिकामा दयाहाङ राई र सौगात मल्ल रहेका छन् ।

सुशान्त प्रजापतिको छायांकन, रामजी लामिछानेको कोरियोग्राफी, निमेष श्रेष्ठको सम्पादन र जयन जे वाइवाको संगीत रहेको चलचित्रमा सौगात मल्ल र दयाहाङ राईबिचको मित्रतालाई देखाइएको छ ।

यी दुई मुख्य कलाकारबाहेक चलचित्रमा उपासना सिंह ठकुरी, युगेन छोदेन, बुद्धि तामाङ, पुष्कर गुरुङ, शारदा गिरी, कविता आले, प्रकाश घिमिरे, सुष्मा निरौला, विश्वास गुरुङ, जयनन्द लामाको समेत अभिनय देख्न सकिन्छ । चलचित्रको ट्रेलर बुडासुब्बा डिजिटलमार्फत मंगलबार सार्वजनिक गरिएको हो ।