क्रिकेटर सन्दीप लामिछाने आज नेपाल फर्किंदै
काठमाडौ । एक नाबालिक किशोरी बलात्कार गरेको आरोप लागेका क्रिकेटर सन्दीप लामिछाने आज स्वदेश फर्किंदै छन् ।
उनी कतार एयरवेजको उडानबाट बिहीबार बिहान १० बजे त्रिभुवन अन्तर्राष्ट्रिय विमानस्थलमा आइपुग्ने छन् । यसअघि असोज १५ गते सामाजिक सञ्जालमार्फत उनले बिहीबार नेपाल फर्किएर प्रहरीसमक्ष आत्मसमर्पण गर्ने घोषणा गरेका थिए ।
स्वदेश फर्किन लागेको जानकारी नेपाल प्रहरीलाई पनि दिइसकेको उनले उल्लेख गरेका छन् । उनी विदेशमै रहेको बेला गत भदौ २१ गते ती किशाेरीले उनी विरुद्ध महानगरीय प्रहरी वृत्त गौशलामा जाहेरी दिएकी थिइन् ।
उनी विरुद्ध अन्तर्राष्ट्रिय प्रहरी संगठन इन्टरपोलले डिफ्युजन नोटिस जारी गरेको थियो । सन्दीप सीपीएलको सिलसिलामा वेष्ट इन्डिज गएका थिए। नेपाली क्रिकेटका कप्तानसमेत रहेका उनलाई जिल्ला अदालत काठमाडौंले पक्राउ पुर्जी जारी गरे लगत्तै नेपाल क्रिकेट संघ (क्यान)ले निलम्बन गरेको थियो।
ताजा अपडेट
-
लगानी सम्मेलन सफल भयो, हामी उत्साहित भएका छौं : अर्थमन्त्री पुन
-
बागलुङका एक लाख ३१ हजार पशुलाई खोप लगाइयो
-
संस्थागत विद्यालयलाई शुल्कसम्बन्धी मापदण्ड पालना गराइँदै
-
लगानी सम्मेलन : रारामा रिसोर्ट निर्माण गर्न अस्ट्रेलियन लगानी भित्रियो
-
धनुषामा पानीको अभाव भएपछि दमकलले पानी वितरण गरिँदै
प्रतिक्रिया