आचारसंहिता उल्लंघन गरेको आरोपमा निर्वाचन आयोगले सोध्यो प्रचण्डलाई स्पष्टीकरण

परराष्ट्रमन्त्री खनाल शनिबारदेखि तीनदिने औपचारिक भ्रमणमा भारत जाँदै

आचारसंहिता उल्लंघन गरेको आरोपमा निर्वाचन आयोगले सोध्यो प्रचण्डलाई स्पष्टीकरण

नेपालवाच २०७९ असोज २६ गते २०:२१

काठमाडौं । निर्वाचन आयोगले नेकपा (माओवादी केन्द्र)का अध्यक्ष पुष्पकमल दाहाल प्रचण्डलाई आचारसंहिता उल्लंघन गरेको आरोपमा स्पष्टीकरण सोधेको छ ।

आयोगले बुधबार एक विज्ञप्ति जारी गर्दै सात दिनभित्र स्पष्टीकरण बुझाउन निर्देशन दिएको छ ।

आइतबार गोरखा निर्वाचन क्षेत्र नम्बर २ मा उम्मेदवारी दर्ता गर्ने क्रममा प्रचण्डले पञ्चेबाजा प्रयोग गरेका थिए । यसैलाई आचारसंहिता उल्लंघन भएको ठहर गर्दै आयोगले स्पष्टीकरण सोधेको हो ।

उम्मेदवारी दर्ताको क्रममा प्रयोग भएको श्रव्यदृष्यका आधारमा प्रचण्डलाई स्पष्टीकरण सोधिएको आयोगले जनाएको छ ।