तिहारको लागि भारतबाट ३ लाख थान सयपत्रीको माला आयात गरिँदैँ
काठमाडौं । नेपालीहरूको दोस्रो ठूलो पर्व तिहार आउन अब एक साता मात्रै बाँकी छ । तिहार पर्व बती र झिलीमिली र फूलमालाको पर्व भएकाले अहिलेदेखि नै बजारमा तिहारको लागि माला किन्ने र बेच्नेको चहलपहल सुरू भइसकेको छ ।
नेपालको विभिन्न क्षेत्रमा फूलको उत्पादन हुने भएतापनि फूलमालामा आत्मनिर्भर हुन सकेको छैन । अहिले पनि विदेशबाट लाखौँ मूल्यबराबरको फूलमाला आयात हुने गर्छ ।
यस पटकको तिहारको लागि पनि नेपालले छिमेकी मूलुक भारतबाट करिब १ करोड ६५ लाख रुपैयाँ बराबरको ३ लाख थान माला आयात गरिने भएको छ ।
नेपाल फ्लोरिकल्चर एसोसिएसनका अध्यक्ष मीनबहादुर लामाका अनुसार गत वर्षको तुलना यो वर्ष नेपालले ६३ हजार थान सयपत्री माला कम आयात गरिने भएको छ । गत वर्ष ३ लाख ६३ हजार थान माला आयात गरिएको थियो । यो वर्ष १७ लाख थान माला आन्तरिक उत्पादनबाट तयार गरिने छ ।
एसोसिएसनका अनुसार यो तिहारमा सयपत्री माला २० लाख, मखमली माला ३ लाख २५ हजार र गोदावरी माला २० हजार थान खपत हुने अनुमान रहेको छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया