काठमाडौं । नेपाली कांग्रेसले प्रतिनिधि तथा प्रदेशसभा निर्वाचनको प्रचारप्रसार समिति विस्तार गरेको छ ।

नेपाली कांग्रेसको विधान, २०१७ (संशोधनसहित) बमोजिम सभापति शेरबहादुर देउवाले पार्टी प्रवक्ता प्रकाशशरण महतको संयोजकत्वमा प्रतिनिधिसभा र प्रदेशसभा सदस्य निर्वाचन, २०७९, केन्द्रीय प्रचार प्रसार समिति गठन गरेका थिए । देउवाले सोमबार २९१ सदस्य मनोनयन गरेर समितिलाई विस्तार गरेका हुन् ।

कांग्रेस प्रवक्ता डा. प्रकाशशरण महतले प्रतिनिधिसभा र प्रदेशसभा निर्वाचन २०७९ केन्द्रीय प्रचारप्रसार समितिमा पार्टी सभापति शेरबहादुर देउवाले २९१ सदस्य मनोनयन गरेको जानकारी दिए ।

समिति सदस्यमा उमा रेग्मी, मीनबहादुर विश्वकर्मादेखि सरिन घिमिरे, गंगा गौतमसम्म छन् । मनोनीत सदस्यहरूले अब पार्टी तथा गठबन्धनका उम्मेदवार जिताउन आफूलाई जिम्मेवारी दिइएको जिल्लामा खटिएर भूमिका खेल्नुपर्नेछ ।

हेर्नुहोस् सूची