काठमाडौं । एमाले अध्यक्ष केपी शर्मा ओली अस्वस्थ भएका छन् । चुनावी प्रचारका लागि गृह जिल्ला झापा पुगेका ओली अस्वस्थ भएका हुन् ।

नेकपा एमाले झापाका नेता हिक्मत कार्कीका अनुसार, ओलीलाई रुघाखोकीसँगै ज्वरो आएको छ । स्वास्थ्यमा समस्या आएपछि सम्पूर्ण कार्यक्रम र भेटघाट बन्द गरेर ओली दमक–९ स्थित निवासमा आराम गरी बसेका छन् ।

प्रेस चौतारी झापाले मंगलबार साँझलाई राखेको पत्रकार सम्मेलन ओली अस्वस्थ भएपछि स्थगित हुन पुगेको छ ।

आगामी मंसिर ४ मा हुन गइरहेको प्रतिनिधिसभा निर्वाचनका लागि ओली झापा–५ बाट उम्मेदवार बनेका छन् । चुनावी अभियानका लागि उनी आजै मात्रै झापा पुगेका थिए । उनी बिहीबारसम्म त्यहाँ रहने कार्यक्रम छ ।