काठमाडौं । सुपर १२ मा सुरुवाती दुई खेल साँघुरो अन्तरले गुमाएको पाकिस्तानले तेस्रो खेल भने फराकिलो अन्तरले जितेको छ ।

नेदरल्याण्डसविरुद्ध ९२ रनको लक्ष्य पाकिस्तानले ३७ बल खेल्न अगावै ४ विकेट गुमाएर पूरा गरेको हो ।

नेदरल्याण्डसलाई सस्तैमा रोक्न पाकिस्तानका लागि शादव खानले तीन, महम्मद असिमले २ विकेट लिएका थिए ।

कम रन पछ्याए पनि कप्तान बाबर आजम फेरि ४ रनमै आउट भए । खेल ८ विकेटले जित्नेतर्फ अघि बढ्दै गर्दा महम्मद रिजवान ३९ बलमा ४९ रन बनाएर आउट भए ।

त्यसपछि पनि थप एक विकेट गुमाएपछि मात्रै पाकिस्तानले नेदरल्याण्डविरुद्ध ६ विकेटको जित निकालेको हो ।

अब पाकिस्तानलाई सेमिफाइनमा पुग्नका आफूले दक्षिण अफ्रिका र बंगलादेशविरुद्धको खेल जितेर मात्रै पनि पुग्ने छैन । भारतले पनि दक्षिण अफ्रिका, बंगलादेश र जिम्बाब्वेलाई पराजित गर्नुपर्नेछ ।