काठमाडौं । नेपालका एक वैज्ञानिकले विज्ञान क्षेत्रकै लागि वनस्पतिको नयाँ प्रजाति पत्ता लगाएका छन् । वनस्पतिविद् भक्तबहादुर रास्कोटीले तिउरीको नयाँ प्रजाति पत्ता लगाएका हुन् । उनको खोजीको विस्तृत विवरण गत महिना प्रकाशित प्लस वान जर्नलमा छ ।

५७ पृष्ठ लामो उक्त अनुसन्धानात्मक आलेखमा यो वनस्पतिका बारेमा विस्तृतत विवरण छ । यसको वैज्ञानिक नाम इम्पेसियन्स निम्स्पुर्जेए राखिएको छ । पर्वतारोही निर्मल पुर्जाले पर्वतारोहण र संरक्षणका लागि गरेको कामको मूल्इांकन गर्दै वनस्पतिलाई उनको नाम दिइएको रास्कोटीले बताए ।

म्याग्दी जिल्लाको मोरेनी क्षेत्रमा २८ सयदेखि २९ सय मिटरको उचाइमा यो वनस्पति उनले सन् २०११ को अगस्ट २५ मा फेला पारेका थिए, आजको कान्तिपुर दैनिकमा खबर छ ।