मिलानसँग स्पेजिया पराजित

विश्वकप फुटबलको फाइनल एनटीभी प्लसबाट निःशुल्क प्रत्यक्ष प्रसारण हुने

नेपालवाच २०७९ कार्तिक २० गते ९:४३

काठमाडौं । इटालियन सिरी ‘ए’ फुटबलमा एसी मिलानले जित दर्ता गराएको छ ।

शनिबार राति सम्पन्न खेलमा मिलानले स्पेजियामाथि २–१ को जित निकालेको हो ।

हर्नान्डेजले खेलको २१ औं मिनेटमा पहिलो गोल गर्दै मिलानलाई सुरुआती अग्रता दिलाएका थिए । तर ५९ औं मिनेटमा स्पेजियाका डानिलले गोल गरेर खेललाई बराबरीमा ल्याए ।

खेलको ८९ औं मिनेटमा ओलिभर जेरुडले निर्णायक गोल गर्दै मिलानलाई २–१ को जित दिलाए ।

जितसँगै मिलानले १३ खेलमा २९ अंक जोडेको छ ।