काठमाडौं । रोकिंदै आएको धनुषा कांग्रेस जिल्ला कार्यसमितिको नेतृत्व चयनको लागि आज निर्वाचन भइरहेको छ । मुख्य गरी तराई मधेसको राजनीतिमा पकड रहेका भनिएका विमलेन्द्र निधि र अरु पनि प्रभावशाली नेता रहेकोले धनुषाको नेतृत्वलाई फरक ढंगले हेरिएको छ ।

सभापतिका लागि संस्थापनबाट सन्तोष यादव उम्मेदवार बनेका छन् । उनी कांग्रेसका वर्तमान उपसभापतिसमेत हुन् । उनका अन्य प्रतिस्पर्धीमा डा. शेखर कोइराला पक्षबाट दिनेश प्रसैला सभापतिका उम्मेदवार छन् ।

अर्का प्रभावशाली नेता विमलेन्द्र निधि समूहबाट योगेन्द्र पंजियार उम्मेदवार छन् । उनी क्षीरेश्वरनाथ नगरपालिकाका मेयर पनि हुन् ।
पहिलो चरणमा सभापति चुनिन ५१ प्रतिशत मत ल्याउनुपर्ने हुन्छ । नभए दोस्रो चरणमा सबैभन्दा बढी मत ल्याउने दुई उम्मेदवारबीच पुनः प्रतिस्पर्धा हुन्छ ।

जनकपुरको तिरहुतिया गाछीमा आज निर्वाचन हुँदैछ ।

१६ जिल्ला मध्ये ८ जिल्लाको नतिजा पनि आइसकेको छ । ८ जिल्लामध्ये मकवानपुर, पर्सा, कैलाली र महाेत्तरीमा संस्थापन पक्षले जितेकाे छ ।