धितोपत्र बजारमा सेयर कारोबार मापक नेप्से परिसूचक आज झिनो अंकले बढेको छ । नेपाल स्टक एक्सचेञ्जका अनुसार नेप्से परिसूचक १.५४ अंकले बढेर २५४४.९३ विन्दुमा पुगेको छ ।

यस्तै, ठूला कम्पनीको कारोबार मापन गर्ने सेन्सेटिभ परिसूचक २.१४ अंकले बढेर ४९२.२६ विन्दुमा पुगेको छ । नेप्से परिसूचक बढेपनि कारोबार रकम भने खुम्चिएको छ ।

कूल २३० कम्पनीको ५३ लाख १५ हजार २९२ कित्ता सेयर खरिद बिक्री हुँदा २ अर्ब ६० करोड ९ लाख ३० हजार ४०३ रूपैयाँ बराबरको कारोबार भएको छ ।

कारोबारमा आएका कूल १३ उपसमूहमध्ये ६ कम्पनीको सेयर मूल्य बढेको छ भने बाँकीको सेयरमूल्य घटेको छ । आज बैकिङ, होटल एण्ड टुरिजम, नीजीर्वन बीमा कम्पनी, म्यानुफ्याक्चरिङ एण्ड प्रशोधन र अन्यको सेयरमूल्य बढेको छ ।