काठमाडाैं । नेपालमा पछिल्लो २४ घण्टामा थप ८८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ६ हजार १४५ जनाको पीसीआर परीक्षण गर्दा ६६ जना र २ हजार ४९३ जनाको एन्टीजेन परीक्षण गर्दा २२ जना गरी ८८ जनामा संक्रमण पुष्टि भएको हो । यससँगै देशभर कोरोना संक्रमितको संख्या पीसीआर परीक्षण मात्रै नौ लाख ७७ हजार ५६७ पुगेको छ ।

यस्तै पछिल्लो २४ घण्टामा ३७६ जना कोरोना संक्रमणमुक्त भएसँगै देशभर कोरोनामुक्त हुनेको संख्या नौ लाख ५९ हजार ४६९ जना पुगेको छ ।

आज थप एक जनाले कोरोनाबाट ज्यान गुमाएका छन् । यससँगै नेपालमा हालसम्म ११ हजार ९४८ जनाले ज्यान गुमाइसकेका छन् ।

देशभर सक्रिय संक्रमितको संख्या ६ हजार १५० छन् ।