काठमाडौं । नेपालस्थित अमेरिकी दूतावासले अमेरिकी फोटोग्राफर दाबी गर्ने कितिया पाव्लोभ्स्कीका तस्विर हटाउने बताएको छ ।

उनले नेपालको खुम्बु क्षेत्रमा पुगेर खिचेको हिउँ चितुवाको तस्विर दूतावासले आफ्नो आधिकारिक फेसबुक पेजमा सेयर गरेपछि भाइरल बनेको थियो ।

गत शनिबार फ्रान्सको चर्चित अल्पलाइन म्यागजिनले ती तस्विरहरू नक्कली भएको र फोटोसपको प्रयोगमा बनाइएको पुष्टि गरेसँगै दूतावासले ती तस्विर हटाउने भएको हो ।

आज एक स्टाटस जारी गर्दै दूतवासले यो जानकारी दिएको हो ।

हाल कितियाले कुनै जानकारीबिना नै आफ्ना आधिकारिक फेसबुक तथा इन्स्टाग्राम अकाउन्ट हटाइसकेकी छिन् । उनो वेबसाइटमा भने उनले दूतावासको सहकार्यमा पनि काम गरेकोबारे उल्लेख गरिएको छ ।

यसबारे दूतावासले हालसम्म उनीसँग कुनै पनि सहकार्य नगरेको पनि स्पष्ट पारेको छ ।