काठमाडाैं । प्रदेशसभा निर्वाचनको समानूपातिक तर्फ १ दशमलब ५ प्रतिशत मत अर्थात थ्रेस होल्ड कटाएका दल समानुपातिक सिट बाँडफाटका लागि योग्य हुने भएपनि प्रदेशमा थ्रेस  होल्ड कटाएका चार दलले कुनै सिट पाएका छैनन् ।

गण्डकी प्रदेशमा एकीकृत समाजवादी, राष्ट्रिय जनमोर्चा र हाम्रो नेपाली पार्टीले थ्रेसहोल्ड कटाएको थियो भने कर्णालीमा नेपाल मजदुर किसान पार्टीले थ्रेसहोल्ड कटाएर पनि समानूपातिक सिट पाउन सकेन ।

आयोगका अनुसार थ्रेसहोल्ड कटाए पनि सेन्टलग विधिबाट सिट निर्धारण गर्दा उनिहरूले सिट नपाएको प्रवक्ता गुरू प्रसाद वाग्लेले बताए । तर, सङ्घीय तहमा १ सय १० सिट बाँडफाँट गर्दा ३ प्रतिशतको थ्रेसहोल्ड कट्नासाथ ३/४ सिट पाउने अवस्था रहने आयोगले जनाएको छ ।