काठमाडाैं । केही दिनदेखि उच्च मूल्यमा बढ्दै आएको सुनको मूल्य आज भने घटेको छ । नेपाल सुनचाँदी बजारमा आज सुनको मूल्य प्रतितोला तीन हजार पाँच सय रूपैयाँ घटेर एक लाख २ हजार रूपैयाँमा कारोबार भइरहेको हो ।

नेपाल सुनचाँदी व्यवसायी महासंघका अनुसार बुधबार छापावाल सुन तोलामा २ हजार ५ सय रूपैयाँ बढेर एक लाख पाँच हजार पाँच सय रूपैयाँमा कारोबार भएको थियो । जुन हालसम्मकै उच्च मूल्य थियो ।

मंगलबार भने सुनको मूल्य स्थिर थियो । सोमबार सुनको मूल्य तोलामा एक हजार एक सय रूपैयाँ बढेर एक लाख ३ हजार रूपैयाँमा कारोबार भएको थियो । त्यसभन्दा अघि आइतबार छापावाल सुन तोलामा २ हजार बढेर एक लाख एक हजार ९ सय रूपैयाँमा कारोबार भएको थियो ।

त्यस्तै बुधबार प्रतितोला एक लाख पाँच हजार पाँच हजार रूपैयाँमा कारोबार भएको तेजावी सुन बिहीबारको लागि एक लाख एक हजार पाँच सय रूपैयाँ कायम भएको छ ।

आज चाँदीको मूल्य पनि घटेको छ । बुधबार तोलामा ४० रूपैयाँ बढेर १ हजार ४५० रूपैयाँमा कारोबार चाँदी आज ४५ रूपैयाँ घटेर एक हजार ४०५ रूपैयाँमा कारोबार भइरहेको हो ।