बुटवल । बुटवल औद्योगिक क्षेत्र भित्र रहेका उद्योगीहरुले आज औद्योगिक क्षेत्र व्यवस्थापनको कार्यालयमा तालाबन्दी गरेका छन् ।

उद्योगीहरुले आज विहान १० बजे कालो व्यानर सहित व्यवस्थापन कार्यालयमा पुगेर विरोध प्रदर्शन गर्दै कार्यालय प्रमुखको कार्यकक्षमै ताला लगाएका हुन ।

एकलौटी रुपमा औद्योगिक क्षेत्र व्यवस्थापन कार्यालयले ७ सय देखी ८ सय प्रतिशत भाडा भाडा वृद्धि गरेको भन्दै भाडा खारेजीको माग  गर्दै उनीहरू आन्दोलनमा उत्रिएका हुन ।

अहिले बढाएको भाडा आफुहरु तिर्न सक्ने अवस्थामा नरहेको भन्दै तत्काल उक्त निर्णय र्फिता गर्न उनिहरुले माग गरेका छन् ।

उद्योगीहरुको संस्था बुटवल औद्योगिक क्षेत्र उद्योग संघ, रुपन्देही उद्योग संघ र नेपाल उद्योग परिसंघको नेतृत्वमा उनिहरु आन्दोलनमा उत्रिएका हुन ।