धुनषा । मधेस प्रदेशका एक सांसदको ज्याकेट र कोट चोरिएको छ । मधेस प्रदेशका सांसद बाबुलाल साहको कोट र ज्याकेट बुधबार दिउँसो १२ बजेतिर चोरी भएको हो ।

धुनषाको जनकपुर उपमहानगरपालिका–६ नमस्कार चोकस्थित हिलटन होटलको अगाडि राखिएको गाडीबाट उनको कोट र ज्याकेट चोरी भएको प्रहरीले जनाएको छ ।

रौतहट निर्वाचन क्षेत्र नम्बर (क) बाट निर्वाचित सांसद साहको कोट र ज्याकेट बागमती प्रदेश ०२–००२५ च.२६९० नम्बरको कारको पछाडी सिटमा राखिएको अवस्थामा चोरी भएको हो ।

पछाडिको सिसा फुटाएर कोट र ज्याकेटमा मात्र नभइ कोटको खल्तीमा राखिएको १२ हजार नगद र बैंकका चेकसमेत चोरि भएको प्रहरीले जनाएको छ । यससम्बन्धमा प्रहरीले चोर्ने व्यक्ति खोजिरहेको छ ।

प्रकाशित मिति: बिहीबार, माघ १३, २०७८, १९:३३:००