काठमाडौं । आइतबार राति ललितपुरको सुनाकोठीमा रहेको बालाकुमारी माईको मूर्ति चोरी भएको थियो । उक्त मूर्तिबारे अझै केही जानकारी पाउन सकिएको छैन ।

ललितपुर महानगरपालिका–२७ स्थित बालाकुमारी मन्दिरबाट चोरिएको उक्त मूर्तिबारे सूचना दिनेलाई पाँच लाख रुपैयाँ पुरस्कार दिने घोषणा गरिएको छ ।

गुठीले सूचना जारी गर्दै मूर्तिबारे विशेष सूचना दिने व्यक्तिलाई पाँच लाख रुपैयाँ नघट्ने गरी पुरस्कार दिने घोषणा गरेको हो । शुक्रबार बसेको गुठीको बैठकले मूर्ति चोरीमा संलग्न, अथवा मूर्तिबारे सूचना दिनेलाई पुरस्कार दिने निर्णय गरेको थियो ।

यसमा अनुसन्धान गर्न हाल महानगरीय प्रहरी परिसर ललितपुर, महानगरीय प्रहरी वृत्त चापागाउँ र महानगरीय अपराध महाशाखाको टोली खटिएको छ ।