काठमाडौं । काठमाडौं महानगरपालिकाले गरिब परिवार पहिचान गरेर परिचयपत्र वितरण गर्ने भएको छ । यस्ता परिवारलाई सेवा प्रवाहमा विशेष सहुलियत दिन महानगरपालिकाले नयाँ योजना अघि सारेको हो ।

महानगरपालिकाले मंगलबार यही प्रयोजनार्थ २१ सुपरिवेक्षक र २१०  गणक  गरी २३१ कर्मचारी माग गरेको छ  ।

सुपरीवेक्षकका लागि तथ्यांक शास्त्र, जनसंख्या, अर्थशात्र वा गणित विषयमा स्नातक तह उत्तीर्ण र कम्प्युटरसम्बन्धी ज्ञान तोकिएको छ ।

तथ्यांक शास्त्र, जनसंख्या, अर्थशात्र र गणित विषयमा प्रमाणपत्र तह पास गरी कम्प्युटरसम्बन्धी ज्ञान हासिल गरेकाले गणकमा आवेदन दिन सक्नेछ ।

दुवै पदमा आवेदन दिने उम्मेदवारको उमेर १८ दुखि ४० वर्ष तोकिएको छ ।

योग्यता पुगेका इच्छुक आवेदकले आज (मंगलवार) बाट सात दिनभित्र महानगरपालिकाको वेबसाइटमार्फत आवेदन दिन सक्नेछन ।

भौतिक आवेदनहरू मान्य हुने छैन ।