काठमाडौं । आफ्नै आमाकोे हत्या गरेको अभियोगमा मोरङका एक व्यक्ति पक्राउ परेका छन् ।

शनिश्चरे नगरपालिका–२ पथरीकी ९० वर्षीया जगमाया श्रेष्ठको हत्याको आरोपमा उनकै छोरा ४८ वर्षीय कमल श्रेष्ठलाई प्रहरीले पक्राउ गरेको हो ।

माघ १२ गतेदेखि घरैबाट बेपत्ता भइन् भनिएकी बृद्धाको हत्यापछि शव जलाएको भन्ने सूचनाका आधारमा प्रहरीले श्रेष्ठलाई पक्राउ गरेको हो ।
श्रेष्ठले बुबाको नाममा रहेको १५ कट्ठा ९ धुर जग्गा आमा तथा अन्य भाइहरूलाई थाहा नै नदिई आफ्नी श्रीमतीको नाममा बनाएपछि उनीहरूबीच घर झगडा भएको थियो । यो घर झगडामा मात्रै सिाित भएन । समस्या अदालतसम्म पुग्यो ।

अदालतले उक्त जग्गामध्ये ५ कठ्ठा जग्गा आमाको नाममा रहनेगरी फैसला गरेकोले श्रेष्ठले आमाको हत्या गरेको खुल्न आएको छ ।

घटनाको सम्बन्धमा थप अनुसन्धान भइरहेको प्रदेश १ प्रहरी कार्यालय विराटनगरले जनाएको छ ।