काठमाडौं । राष्ट्रिय खेलकुद परिषद् (राखेप) को कार्यकारी अधिकार प्रत्यायोजन गरिएका सहसचिव कमलप्रसाद पोखरेलको शिक्षा, विज्ञान तथा प्रविधि मन्त्रालयमा सरुवा गरिएको छ ।

युवा तथा खेलकुद मन्त्रालयको यही माघ २४ को निर्णयअनुसार, राखेपको कार्यकारी अधिकार पोखरेललाई दिने निर्णय गरेको थियो । हाल राखेप सदस्य सचिव रिक्त छन् । यही निर्णयअनुसार उनले माघ २६ मा कार्यकारी अधिकार पाएका थिए । यस्तो निर्णय गरिएको तीन दिनमै संघीय मामिला तथा सामान्य प्रशासन मन्त्रालयले उनको सरुवा गरिदिएको छ ।

पोखरेलको सरुवा गरिए पनि राखेपको कार्यकारी अधिकारबारे अर्को निर्णय लिइसकेको छैन ।