आइएमई जनरल इन्स्योरेन्सको सेयर मूल्य समायोजन

एनपीएलमा एक्स्ट्रीमको रौनक, सात टिमको स्पेशल क्यान सबैको हातमा

आइएमई जनरल इन्स्योरेन्सको सेयर मूल्य समायोजन

नेपालवाच २०७८ फागुन १ गते १०:४५

काठमाडौं । नेपाल स्टक एक्सेञ्ज (नेप्से) मा आइएमई जनरल इन्स्योरेन्सको ४० प्रतिशत हकप्रद सेयर मूल्य समायोजन भएको छ । कम्पनीले ४० प्रतिशत हकप्रद सेयर प्रयोजनको आज (फागुन १ गते) बुक क्लोज गरेको छ ।

माघ २७ गतेसम्म कायम सेयरधनीले मात्र हकप्रद भर्न सक्नेछन् । आइएमईले १०ः४ अनुपातमा ४६ लाख ३० हजार २५८ कित्ता हकप्रद सेयर बिक्री गर्न लागेको हो ।

इन्स्योरेन्सले हाल कायम चुक्ता पुँजी १ अर्ब १५ करोड ७६ लाख रुपैयाँको ४०५ हकप्रद बिक्री गर्ने तयारी गरेको हो । यो हकप्रद बिक्रीपछि भने पुँजी १ अर्ब ६२ करोड रुपैयाँ पुग्नेछ । कम्पनीले हकप्रद निष्कासनका लागि रेटिङ सम्पन्न गरेको छ ।