NepalWatch

News Portal For Eeverything In Nepal from Nepal

२०८० चैत १५ गते

१३ सांसद भएको लोसपाले एमसिसीको पक्षमा मतदान गर्ने

काठमाडौं । संसदमा १३ सिट भएको लोकतान्त्रिक समाजवादी पार्टीले एमसिसीको पक्षमा मतदान गर्ने भएको छ । संसदीय दलको बैठकले संसदमा टेबल भएको एमसिसीको पक्षमा मतदान गर्ने निर्णय गरेको हो ।

अध्यक्ष महन्थ ठाकुरले सरकारसँग भएको सम्झौताबाट पछि हट्दा नेपालको छविमा प्रश्न उठ्ने भन्दै एमसिसीको पक्षमा लोसपा उत्रिनुपर्ने प्रस्ताव बैठकमा गरेका थिए ।

भोलि संसदमा टेबल भएको एमसिसीमाथि छलफल अघि बढ्नेछ ।

प्रधानमन्त्री शेरबहादुर देउवाले सत्तारुढ दलबीच सहमति नभए प्रतिपक्षी एमालेलाई मनाएर भए पनि एमसिसी पास गर्ने नीति लिएका छन् । यसका लागि उनले दलबीच संवाद पनि अघि बढाइसकेका छन् ।