भोलिको संसद बैठकमा एमसिसी अघि बढ्ने, यस्तो छ कार्यसूची
काठमाडौं । संसदमा टेबल भएदेखि नै पेचिलो बन्दै आएको एमसिसीका विषयमा आइतबारको संसद् बैठकमा छलफल हुने भएको छ । संसद सचिवालयले कार्यसूचीको दोस्रो बुँदामा आइतबारबाट छलफल हुने जानकारी सूचनामार्फत गराएको छ ।
तर यस अघि एमसिसी पास हुने ग्यारेन्टी नभएपछि लगातार दुई दिन सरकारको आग्रहमा संसद् बैठक स्थगित हुँदै आएको थियो । आइतबारका लागि पनि एमसिसीको कार्यसूची राखिएपछि सहमति नभए फेरि पनि संसद् बैठक स्थगित हुन सक्ने देखिएको छ ।
यसबीचमा सत्तारुढ दलबीच खटपट आएपछि एमसिसी पास गराउनेबारे प्रधानमन्त्री शेरबहादुर देउवाले एमालेलाई विश्वासमा लिन खोजेका थिए ।
तर सत्ता गठबन्धन भत्किए झन् संकट आउने भन्दै वर्तमान सत्ता गठबन्धनबाटै एमसिसी पास गर्ने विषयमा नेताहरुले सहमति नजिक पुग्न लागेको दाबी गरेका छन् । प्रधानमन्त्री देउवाले एमसिसीमा सहयोग गर्ने हो भने लिखित सहमति गर्न माओवादीलाई आग्रह गरेका छन् । नभए एमालेको सहयोग लिएर भएपनि एमसिसी पास गर्नेमा देउवाले प्रष्ट मत राख्दै आएका छन् ।
देउवाले आज पनि एमाले अध्यक्ष केपी ओलीसँग भेटवार्ता गर्दैछन् ।
ताजा अपडेट
-
राजनीतिक सहमतिमै अध्यादेश ल्याइएको हो, कसैको विरोध छैनः अर्थमन्त्री पुन
-
औषधिमा प्रयोग हुने केमिकल बोकेको ट्रकमा आगलागी
-
चैते धानप्रति दाङका किसानको आकर्षण बढ्दो
-
सार्वजनिक बिदाको आलोचनापछि गृहमन्त्री– रिजल्ट आउने गरी काम गर्दैछु, केही समय पर्खनुस्
-
निःशुल्क स्वास्थ्य शिविर : मधुमेहदेखि एचआइभीसम्मका परीक्षण
प्रतिक्रिया