काठमाडौं । नायिका पूजा शर्मा पनि पल प्रकरणको अनुसन्धानमा तानिन सक्ने तनहुँ प्रहरी स्रोतले जनाएको छ ।

एक नाबालिग गायिकामाथि भएको बलात्कारको आरोपमा पक्राउ परेका अभिनता पल शाहको पक्षमा वकालत गरेका कारण उनी अनुसन्धानमा तानिन सक्ने एक अनुसन्धान अधिकृतले बताए ।

आफ्नो चलचित्र ‘म यस्तो गीत गाउँछु २’को व्यापारमा असर पर्छ भनेर पूजाले नाबालिग गायिकालाई पलविरुद्ध नबोल्न दबाव दिएको पाइएको प्रहरीको दाबी छ ।

गत फागुन १२ गते पलविरुद्ध गायिकाका बुवाले जाहेरी दिएका थिए । त्यसभन्दा केही दिनअघि ती नाबालिग गायिकाले एउटा युट्युबमा पल आफ्नो अभिभावक भएको बताएकी थिइन् । यसो भन्नुमा पूजाको दबाव रहेको बताइएको छ ।

पूजाले तनहुँको दमौलीमा प्रहरी हिरासतमा रहेका पललाई केही दिनअघि पुगेर भेटेकी थिइन् ।

पल शाह दोषी हुनसक्ने ५ बलिया प्रमाण