काठमाडौं । नेकपा एमालेका पोलिटब्यूरो सदस्य खिमलाल भट्टराई राष्ट्रिय सभाका संसदीय दलका नेतामा नियुक्त भएका छन् ।

भट्टराईलाई संसदीय दलका नेता केपी शर्मा ओली बिहीबार दलको नेतामा नियुक्त गरेका हुन् । अनेरास्ववियुको पूर्वअध्यक्षसमेत रहेका भट्टराई यसअघि राष्ट्रिय सभामा प्रमुख सचेतक थिए ।

त्यस्तै दमक–५, झापा निवासी देवेन्द्र दाहाललाई ओलीले प्रमुख सचेतकमा नियुक्त गरेका छन् । चुनावी कार्यक्रमका लागि झापामै रहेका उनी शुक्रबार काठमाडौं आउँदै छन् ।

संसदीय दलका नेता सुमन प्याकुरेलसहितका नेताहरू आफ्नो कार्यकाल पूरा गरी फागुन २१ मा विदा भएपछि भएका थिए । रिक्त स्थानमा भट्टराई र दाहाललाई ओलीले जिम्मेवारी दिएका हुन् ।