१४ वाणिज्य बैंक राष्ट्र बैंकको कारबाहीमा, कुन-कुन ?
काठमाडौं । नेपाल राष्ट्र बैंकले निर्देशन उल्लंघन गरेको भन्दै १४ वटा वाणिज्य बैंकलाई कारवाही गरेको छ । राष्ट्र बैंकको सुपरीवेक्षण विभागले चालु आर्थिक वर्षको पहिलो र दोस्रो त्रैमासमा निर्देशन उल्लंघन गर्ने वाणिज्य बैंकहरुलाई कारबाही गरेको हो ।
कारबाहीमा पर्ने बैंकहरूमा प्रभु बैंक, नेपाल बैंक, राष्ट्रिय वाणिज्य बैंक, नबिल बैंक, हिमालयन बैंक, नेपाल एसबीआई, नेपाल बंगलादेश बैंक, नेपाल क्रेडिट एण्ड कर्मस बैंक,सिटिजन्स बैंक, एनसीसी बैंक, मेगा बैंक, सेञ्चुरी बैंक सनराइज बैंक, स्ट्याण्डर्ड चार्टर्ड बैंक र एनएमबि बैंक छन् ।
प्रभु बैंकलाई अनिवार्य नगद मौज्दात तथा वैधानिक तरलता अनुपात कायम नगरेको भन्दै कारबाही राष्ट्र बैंकले कारबाही गरेको छ । उक्त बैंकलाई कारबाहीस्वरुप १ लाख ८० हजार ४३० रुपैयाँ जरिवाना गराएको छ । नेपाल बैंक लिमिटेडलाई इन्जिनियरिङ कम्पनीकाे खाता रोक्का राख्ने निर्देशकन पालना नगरेको भन्दै बैंकका प्रमुख कार्यकारी अधिकृतलाई सचेत गराएको छ ।
राष्ट्रिय वाणिज्य बैंक, नबिल बैंक, हिमालयन बैंक, नेपाल एसबीआई, नेपाल बंगलादेश बैंक, नेपाल क्रेडिट एण्ड कर्मस बैंक,सिटिजन्स बैंक, एनसीसी बैंक, मेगा बैंक र सेञ्चुरी बैंक सनराइज बैंकलाइ संकलन हुने निक्षेप मुद्धतीको हकमा प्रकाशित ब्याजदर तीन महिनासम्म परिवर्तन गर्न नपाइने भन्ने व्यवस्थाकाे पालना नभएको देखिएकाले, अगामी दिनमा उल्लेखित व्यवस्थाको पालना हुने गरी बैंकहरूका प्रमुख अधिकृतहरूलाई सचेत गराएकाे छ ।
त्यस्तै स्ट्याण्डर्ड चार्टर्ड बैंक र एनएमबि बैंकलाई निक्षेप बाहेकका निक्षेप खाताहरूमा दिइने अधिकतम र न्यूनतम ब्याजरबीचकाे अन्तर ५ प्रतिशतभन्दा बढीले फरक पार्न पाइने छैन भन्ने व्यवस्था उल्लंघन भएकाे सन्दर्भमा अगामी दिनमा उललेखित व्यवस्थाकाे पालना हुने गरी तथा भविष्यमा त्रुटी नदाेहिरने गरी बैंकका प्रमुख कार्यकारी अधिकृतहरूलाई राष्ट्र बैंकले सचेत गराएको हो ।
ताजा अपडेट
-
उपेन्द्र यादबले सरकार छाड्दै, मन्त्रिपरिषद् पुर्नगठनको तयारीमा प्रधानमन्त्री
-
चेन्नईको जितसँगै आइपिएलको ‘प्लेअफ’ समिकरण प्रतिस्पर्धा रोचक बन्दै
-
कलंकी नापीका कर्मचारी भ्रष्टाचारी ठहर
-
विकल पौडेलविरुद्ध ४० करोड भ्रष्टाचारको मुद्दा दायर
-
प्रहरीका उच्च अधिकारीको बढुवा र पदस्थापनमा
प्रतिक्रिया