काठमाडौं । आज मध्यान्ह बबरमहलस्थित कार्की ब्यांक्विटमा एमालेको केन्द्रीय कमिटीको बैठक जारी रहँदा बाहिर पत्रकारहरूबीच कुटाकुट भयो ।

समाचार संकलनमा गएका सञ्चारकर्मीहरू अनलाइन न्यूज पोर्टल ‘१२खरी’का फोटो पत्रकार हरिश क्षेत्री र हिमालय टेलिभिजनका क्यामेरा पर्सन श्याम थापाबीच सार्वजनिक स्थलमै कुटाकुट भएको हो । दृश्य लिँदा क्यामरा राख्ने क्रममा विवाद भएपछि दुईबीच कुटाकुट भएको हो ।

दृश्य कैद गर्न गएका हरिश र श्यामबीच एक्कासी भिडन्त भएपछि हिमालय टिभीकै अर्का पत्रकार विनोद थापा छुट्याउन गए । तर उनीहरूलाई विनोदले छुट्याउन सकेनन् ।

अन्तिममा दुईजना प्रहरी आएपछि स्थिति सामान्य बन्यो । । हरिशले आफूलाई ‘पागल’ भनेकाले उनीमाथि जाइलागेको थापाले बताएका छन् ।