युद्धबाट विस्थापित एक लाख युक्रेनीलाई अमेरिकामा आश्रय

अस्ट्रेलियामा लाखौँ कामदारको तलब बढ्ने, न्यूनतम ज्यालामा करिब ६ प्रतिशत वृद्धि

युद्धबाट विस्थापित एक लाख युक्रेनीलाई अमेरिकामा आश्रय

नेपालवाच २०७८ चैत ११ गते १०:२२

ब्रसेल्स । युद्धका कारण यूक्रेनबाट विस्थापित भएका एक लाख नागरिकलाई अमेरिकाले आश्रय दिने भएको छ ।

रूसको आक्रमणका कारण लाखौं मानिस यूक्रेनबाट विस्थापित हुनु परेकाले तीमध्ये एक लाखलाई अमेरिकाले आश्रय दिने भएको हो ।

अमेरिकाले अरु एक अरब अमेरिकी डलर पनि सहयोग गर्ने घोषणा गरेको छ । सो रकम यूक्रेनमा उत्पन्न मानवीय संकट समाधानका लागि प्रयोग गरिने अधिकारीहरुको भनाइ छ ।

अमेरिकी राष्ट्रपतिको कार्यालय ह्वाइट हाउसले बिहीबार दिएको जानकारी अनुसार, मानवीय सहायता अन्तर्गत खाद्य पदार्थ, आश्रयका लागि आवश्यक सामग्री, सफा पानी, स्वास्थ्य सामग्री लगायतका सहयोग प्रदान गरिने भएको हो ।