NepalWatch

News Portal For Eeverything In Nepal from Nepal

२०८१ असार ३ गते
२०८१ असार ३ गते

दिल्लीको विजयी सुरुवात, मुम्बईलाई ४ विकेटले हरायो

काठमाडौं । दिल्ली क्यापिटल्सले इन्डियन प्रिमियर लिग (आइपिएल) टि–ट्वान्टी क्रिकेटमा विजयी सुरुवात गरेको छ ।

आइतबार भएको खेलमा मुम्बई इण्डियन्सलाई ४ विकेटले हराउँदै दिल्लीले विजयी सुरुवात गरेको हो ।

मुम्बईले दिएको १७८ रनको लक्ष्य दिल्लीले १८.२ ओभरमा ६ विकेट गुमाएर पूरा गर्यो ।

दिल्लीको जितमा ललित यादवले अविजित ४८ रन बनाए भने अर्का अविजित अक्षर पटेलले ३८ रन जोडे ।

यस्तै, पृथ्वी शले ३८, शार्दुल ठाकुरले २२ र टिम सेइफर्टले २१ रन बनाए ।

मुम्बईका बासिल थाम्पीले ३ तथा मुरुगान आश्विनले २ विकेट लिए पनि आफ्नो टोलीलाई जिताउन सकेनन् ।

यसअघि टस हारेर ब्याटिङ गरेको मुम्बईले २० ओभरमा ५ विकेट गुमाएर १७७ रन बनाएको थियो ।

मुम्बईका इशान किशनले अविजित ८१ रनको अर्धशतकीय इनिङ खेले भने कप्तान रोहित शर्माले ४१ रन बनाए ।

यस्तै, तिलक वर्माले २२ रन जोड्दा टिम डाभिडले १२ रनमा आउट भए ।

दिल्लीका कुलदीप यादवले ३ तथा खलिल अहमेदले २ विकेट लिए ।

जितसँगै दिल्लीले २ अंक जोडेको छ । हार ब्यहोरेको मुम्बई अंकविहीन छ ।

यसैबीच, अहिले किंग्स इलेभेन पञ्जाब र रोयल चालेन्जर्स बैंग्लोरबीच खेल हुँदैछ ।

उद्घाटन खेलमा कोलकत्ताले चेन्नईलाई हरायो, आज दुई खेल हुँदै

ताजा अपडेट

नेपालवाच विशेष