काठमाडौं । त्रिकोणात्मक टि–२० अन्तराष्ट्रिय सिरिजअन्तर्गत पपुवा न्युगिनी (पिएनजी) विरुद्धको खेल आज नेपालले १५ रनले जितेको छ ।
उक्त खेलमा नेपालका कप्तान सन्दीप लामिछाने प्लेयर अफ द म्याच चुनिएका छन् ।

काठमाडौंको त्रिवि क्रिकेट मैदानमा उत्कृष्ट प्रदर्शन गरेका सन्दीप प्लेयर अफ द म्याच बनेका हुन् ।

सन्दीपले ४ ओभरमा २२ रन खर्चिएर महत्वपूर्ण ३ विकेट लिएका थिए ।

यस्तै, युवा ओपनर ब्याटर कुशल भुर्तेलले पनि विश्व कीर्तिमान बनाएका छन् । उनले टि–२० क्रिकेटमा सबैभन्दा छिटो ५०० रन पूरा गर्ने खेलाडी बनेका छन् ।

कुशलले आजको पिएनजी विरुद्धको खेलबाट विश्व कीर्तिमान बनाएका हुन् ।

पिएनजीविरुद्ध आज उनले २० रन बनाएका थिए । यससँगै उनले ५०० रन पूरा गरे ।

उनले मात्र १२ खेलमा उक्त कीर्तिमान बनाएका हुन् ।

यसअघि यो कीर्तिमान विश्व प्रशिद्ध भारतीय ब्याटर केएल राहुलको नाममा थियो । उनले १३ खेलमा ५०० रन बनाएका थिए ।

यसैगरी, नेपालका बलर करण केसीले पनि मुभ अफ द डे अवार्ड हात पारे ।

पिएनजीविरुद्ध नेपालको रोमाञ्चक जित