काठमाडौं । कंगोमा संयुक्त राष्ट्र संघको शान्ति मिसनको एउटा हेलिकप्टर दुर्घटना हुँदा ८ जनाको मृत्यु भएको छ । विद्रोही समूह र कंगो सेनाबीच द्धन्द्ध भइरहेको पूर्वी क्षेत्रमा हेलिकप्टर दुर्घटनाग्रस्त भएको हो ।

मोनुस्को भनेर चिनिने मिसनले मंगलबार उत्तरी किभु प्रान्तमा भएको दुर्घटनाको कारण खुलाएको छैन । पुमा हेलिकप्टरमा सवार आठ जनामा ६ जना चालक दलका सदस्य थिए । मृत्यु हुने सबै पाकिस्तानी सेना, अन्य दुई जना रुस र सर्बियाका सैनिक रहेको अलजजिराले उल्लेख गरेको छ ।

मोनुस्कोले सुरु गरेको खोज तथा उद्धार अभियानका क्रममा उनीहरुको शव फेला परेको हो । पाकिस्तानका प्रधानमन्त्री इमरान खानले शोक व्यक्त गरेका छन् ।